Contoh Pidato Sambutan Bahasa Jawa Pembukaan Rapat Musyawarah

ASSALAMU’ALAIKUM WR.WB.

SALAM KARAHARJAN KAGEM KITA SAMI;

NUWUN, INGKANG SATUHU KINURMATAN PANJENENGAN IPUN :

• PARA SESEPUH DALAH PINISEPUH INGKANG SATUHU PANA ING PAMAWAS MIWAH LEBDA ING PITUTUR LUHUR;
• PARA PANGEMBAN PANGEMBATING PRAJA DALAH SATRIYANING NAGARI, MINANGKA PANDAM, PANDOM, SARTA PANUTANING PARA KAWULA DASIH, SAHA INGKANG DAHAT TINULAT SINUDARSANA;
• PANGARSATAMA ............... KABUPATEN PONOROGO, DALAH PARA DWIJA, PENGURUS, PAMONG PAWIYATAN, SARTA SEDAYA JAJARANIPUN;
• SAGUNG PARA RAWUH KAKUNG SUMAWANA PUTRI INGKANG SATUHU LEBDA ING BUDI, SAHA INGKANG TANSAH CINAKET ING MANAH;

LANGKUNG RUMIYIN SUMANGGA TANSAH NGUNJUK-AKEN PUJA LAN PUJI SYUKUR WONTEN SAHANDHAP PEPADANING GUSTI INGKANG MAHA AGUNG, ALLAH SWT INGKANG SAMPUN KAPARENG PARING SAKATHAHING KABERKAHAN, KAROHMATAN, KEKIYATAN, TUWIN KAWILUJENGAN INGKANG HAMAWURAHAN.

SATEMAH PENJENENGAN SEDAYA DALASAN KULA, SAGET KEMPAL MANUNGGAL, NUNGGIL PAPAN LAN NUNGGIL

SWASANA, KANTHI WILUJENG, LULUS RAHARJA, TEBIH SAKING SEDAYA PANCA BAYA.

MINANGKA PRIBADHI LAN JEJERING PAMARINTAH KABUPATEN PONOROGO, KULA NGATURAKEN RAOS BINGAH SARTA RAOS SYUKUR INGKANG TANPA PEPINDHAN, AMARGI SAGET PEPANGGIHAN KALIYAN SAGUNG PARA RAWUH, SESARENGAN HANGESTRENI LUMAMPAHING PRASTAWA INGKANG WIGATI NUWUN INGGIH “ ADICARA MUSKAB ............... KABUPATEN PONOROGO INGKANG DIPUN ADANI WONTEN ING DINTEN PUNIKA; 

SAGUNG PARA RAWUH INGKANG WINANTU SUYKA BASUKI ;

MINANGKA JEJERING PAMARINTAH KABUPATEN PONOROGO, UGI KULA NGATURAKEN JURUNG PANYENGKUYUNG INGKANG AGENG DHUMATENG LEMBAGA PAWIYATAN BASA JAWI INGKANG DIPUN PARINGI TETENGER ............... ( PERSAUDARAAN MASYARAKAT BUDAYA NASIOANAL INDONESIA) INGKANG SAMPUN TUMUT CAWE-CAWE MBUDIDAYA LESTANTUNIPUN KABUDAYAN JAWI INGKANG ADI LUHUNG PUNIKA;

PERLU KAWUNINGAN BILIH NGURI-URI SARTA NGLESTANTUNAKEN BUDAYA JAWI PUNIKA SETUNGGILING BAB INGKANG SAK LANGKUNG WIGATI, AMARGI SAKPUNIKA SEBAGIAN MASYARAKAT JAWI LAN UGI MASYARAKAT INDONESIA SAMPUN MILAI KAPILUT DENING BUDAYA MANCA, MALAH KAPARA SEBAGIAN MASYARAKAT SAMPUN NGANGGEP BILIH BUDAYA LOKAL SAMPUN MBOTEN NJAMANI MALIH.

LUNTURING RAOS TRESNA MASYARAKAT JAWI DHUMATENG BUDAYA LOKAL PUNIKA, TEMTU NDADOSAKEN RAOS KEPRIHATOSAN TUMRAPING KITA SAMI.

PERLU KAWUNINGAN BILIH ERA GLOBALISASI LAN MODERNISASI WONTEN ING JAMAN SAKPUNIKA MUJUDAKEN SATUNGGILING KASUNYATAN INGKANG SAYEKTOS NGGADHAHI PENGARUH AGENG TUMPRAPING BANGSA SARTA MASYARAKAT INTERNASIONAL, KALEBET TANTANGAN TUMPRAPING BANGSA INDONESIA.

ERA GLOBALISASI LAN MODERNISASI ING JAMAN SAKPUNIKA KATINGAL SANGET EWAH-EWAHAN INGKANG KITA TINGALI LAN KITA RAOSAKEN KALEBET GLOBALISASI BUDAYA ( CULTURAL GLOBALIZATION ),

SEDAYA PUNIKA INGGIH AWIT PENGARUHIPUN PERADABAN SARTA EROSI BUDAYA SAKING MANCA INGKANG DHATENGIPUN LUMANTAR MEDIA BEBAS KADOSDENE LUMANTAR INTERNET, TV LAN MEDIA SANESIPUN INGKANG SAESTU ANGEL DIPUN BENDUNG,

INGKANG KATHAHIPUN NYIMPANG SAKING PAUGERAN SARTA KASUSILAN, KADOSDENE BUDAYA MABUK - MABUKAN, ANARKHISME, KRIMINALISME, LAN PAKARTI ASUSILA SANESIPUN, INGKANG SEDAYA WAU NJALARI PENGARUH NEGATIF TUMRAPING MASYARAKAT JAWI , KABUKTI SAMPUN KATHAH SANGET MASYARAKAT JAWI INGKANG ICAL JAWINIPUN , ICAL UNGGAH-UNGGUHIPUN, ICAL TATA KRAMINIPUN, SATEMAH LUNTUR LAN WUDHAR SEDAYA PAUGERAN BUDAYA JAWINIPUN.

MILA TUWUH SETUNGGILING PITAKENAN, KABUDAYAN JAWI PUNIKA KAGUNGANIPUN SINTEN ? WANGSULANIPUN TEMTU KAGUNGANIPUN TIYANG JAWI, ANANGING SAGET DIPUN SINAONI DENING SINTEN KEMAWON KALEBET PARA BANGSA MANCA.

TIYANG JAWI MENAWI MBOTEN PURUN HANGGEGULANG SARTA SINAU GUNA BASA SASTRA LAN BUDAYA JAWI TEMTU MBOTEN BADHE SAGET, UGI MBOTEN MANGERTOS PATRAPING GUNA BASA SASTRA LAN BUDAYA JAWI,

KOSOK WANGSULIPUN SINAOSA TIYANG MANCA MENAWI PURUN HANGGEGULANG LAN HAMERSUDI KAWRUH KABUDAYAN JAWI TEMTU SAGET TRAMPIL, PANA, SARTA NGUWAOSI BABAGAN KAWRUH KASEBAT.

KANTHI ADHEDHASAR TULADA KASEBAT, TEMTUNIPUN KITA KEDAH GUMREGUT, GUMREGAH TUMUT CAWE-CAWE LAN MBUDI DAYA SUPADOS KABUDAYAN JAWI INGKANG ADI LUHUNG PUNIKA TETEP LESTANTUN HENGREMBAKA ,

LAN SUMANGGA PATULADHAN INGKANG SAE PUNIKA SAGEDA DADOS KACA BENGGALA, TEPA PALUPI ING SALEBETING BEBRAYAN SESRAWUNGAN, UGI MUGI SAGET NARIK KAWIGATOSAN KITA DHUMATENG LUHURING BUDAYA JAWI INGKANG SATUHU SAMPUN HANGAMBAR ARUM DUMUGI MANCA NAGARI,

KEPLASIPUN BUDAYA JAWI SAGET HAMIMBUWI SANTOSANING JATIDIRI, BAKUH PIKUKUHIONG BUMI PERTIWI, LAN PEPUNTONIPUN KABUDAYAN JAWI SAGET DADOS SAKA GURU SARTA PIKUWATING NAGARI, JUMBUH KALIAN UJARING PARA SEPUH, BILIH “ ARUMING BANGSA DUMUNUNG WONTEN LUHURUNG BUDAYA “ 

SUMANGGA KABUDAYAN JAWI KITA JAGI KANTHI SAESTU SUPADOS MBOTEN ICAL KASEMPYOK ANASIR BUDAYA MANCA INGKANG SAYEKTOS SINGLAR SARTA GESEH KALIAN JATI DIRI BANGSA KITA.

 PARA RAWUH KAKUNG PUTRI INGKANG SATUHU LEBDA ING BUDI ;

 PERSAUDARAAN MASYARAKAT BUDAYA NASIONAL INDONESIA ( ............... ) INGKANG MADEK WONTEN ING KABUPATEN PONOROGO WIWIT WARSA 2004 ( KALIH EWU SEKAWAN ) NGANTOS DUMUGI WEDAL PUNIKA, MUJUDAKEN SETUNGGILING LEMBAGA PAMIYATAN INGKANG SAKLANGKUNG PAS LAN TREP SANGET, MINANGKA SARANA AJANG PASINAONAN PARA KADANG INGKANG KEPINGIN NAMBAH SESEREPAN BAB INDHAKING KAWRUH GUNA BASA LAN SASTRA JAWI , LAN UGI KAWRUH KABUDAYAN JAWI SANESIPUN. 

MENAWI PARA KADANG SISWA SAMI TEGEN, TEGUH LAN TEKUN SARTA DIPUN LANDHESI NIAT SINAU INGKANG SAESTU, TEMTU SAKPURNANING PAWIYATAN ING MBENJANG, SAGET MBETA KASIL INGKANG MURAKABI TUMPRAPING DHIRI PRIBADI LAN UGI MIGUNANI DHUMATENG BEBRAYAN AGUNG,

JUMBUH KALIYAN UGEMING SESANTI ............... INGKANG DIPUN SEBAT “ TRI NITI YOGYA ‘

TRI PUNIKA TIGA , NITI PUNIKA LAMPAH UTAWAI PAKARTI, YOGYA PUNIKA KESAENAN , 

INGKANG SEPISAN HAMEMAYU HAYUNING SESAMI, KAPING KALIH DADOS JURU LADHINING BEBRAYAN INGKANG SAE, KAPING TIGA SEDAYA PAKARTI LAN TUMINDAK, TANSAH SAGET DAMEL LEGANING TIYANG SANES,

PRAMILA MLIGINIPUN DHUMATENG PARA KADANG CALON SISWA ............... BREGADA KAPAING SEDASA INGKANG BADHE NINDAKKAKEN PAWIYATAN, KULA NGATURAKEN KASUGENGAN , ING PANGAJAB MUGI – MUGI PANJENENGAN SAGET NINDAKAKEN PAWIYATAN KANTHI SAESTU, SARTA ING TEMBENIPUN PIKANTUK NGILMU INGKANG MANFANAGATI.

PANYENGKUYUNG SARTA JUMURUNG, UGI KULA ATURAKEN DHUMATENG SEDAYA INGKANG KAWOGAN , KAWIWITAN SAKING JAJARAN BIROKRASI PAMARINTAHAN, JAJARAN ORGANISASI LAN KELEMBAGAAN, PARA SENIMAN, PARA BUDAYAWAN, MASYARAKAT PONOROGO LAN SEDAYA KOMPONEN,

SUMANGGA SESARENGAN SAMI SAMAT SINAMADAN, DAYA DINAYAN, GUYUB RUKUN CANCUT TALIWANDA SARTA MBUDIDAYA HAMEMANGUN KABUPATEN PONOROGO SUPADOS SAGET KAWUJUD SETUNGGILING TLATAH KABUPATEN SLEMAN INGKANG NGREMBAKA KABUDAYANIPUN, MAJENG PEMBANGUNANIPUN, LAN MAKMUR MASYARAKATIPUN.

SAGUNG PARA RAWUH INGKANG WINANTU ING SUKA BASUKI

NGATURI KAWUNINGAN BILIH DERENG DANGU PUNIKA, SAMPUN DIPUN TINDAK-AKEN SARASEHAN INGKANG DIPUN SENGKUYUNG DENING TIGA PAMENGKU BUDAYA JAWI ( PEPADI , ............... LAN HPK ) KABUPATEN PONOROGO , PRAMILA KANTHI TUMINDAKING SARASEHAN KASEBAT, MUGI-MUGI DADOSA LANDESAN LAN CEPENGAN KAGEM SEDAYA INGKANG KAWOGAN ANGGENIPUN SARENG-SARENG MEMERTI, MERSUDI, SARTA NGORMATI KABUDAYAN JAWI INGKANG SANTUN, LUWES LAN ADI LUHUNG PUNIKA,

MINANGKA PUNGKASANING ATUR, MUGI-MUGI KANTHI ADICARA MUSKAB ............... KABUPATEN SPONOROGO INGKANG DIPUN ADANI WONTEN ING DINTEN PUNIKA, SAGET DADOS SESULUH KITA, KANGGE NGLESTANTUNAKEN KABUDAYAN JAWI INGKANG ADI LUHUNG,

SARTA KANGGE MUJUDAKEN PEMBANGUNAN WONTEN ING KABUPATEN PONOROGO INGKANG LANGKUNG MAJENG SARTA HANGREMBAKA, SATEMAH KABUPATEN PONOROGO ING TEMBENIPUN SAGET MISUWUR SARTA KUNCARA DUMUGI MANCA PRAJA.

PRAMILA KANTHI MAOS “ BISMILLAHIRROHMANNIRROHIM “

ADICARA “ MUSKAB ............... KABUPATEN PONOROGO INGKANG DIPUN ADANI WONTEN ING DINTEN PUNIKA ” MINGGU LEGI SURYA KAPING TIGANG DASA NOVEMBER WARSA KALIH EWU KAWAN WELAS “ TUMULI KAWIWITAN  

MUGI, GUSTI INGKANG MAHA KUWAOS TANSAH PARING PANGAYOMAN, SARTA TUNTUNAN DHUMATENG KITA SEDAYA, AMIN YA ROBBAL ‘ALAMIN.

KIRANG LANGKUNGIPUN NYUWUN PANGANPUNTEN;

BILLAHIT TAUFIK WAL HIDAYAH

WASSALA,MU’ALAIKUM WR. WB